Nepali News

काठमाडौं,पुष २० । सहमतिको सरकार निर्माणका लागि राष्ट्रपति रामबरण यादवले दिनुभएको सातौं पटकको समयसिमा आज सकिँदै छ । राष्ट्रपतिले पछिल्लो पटक दिनुभएको पाँच दिनको समयावधिमा दलहरु विच संयुक्त छलफल समेत हुन सकेन । यद्यपि आज छलफल हुन सक्ने प्रमुख दलका शिर्ष नेताहरुको निजि सचिवालयले जनाएको छ । राष्ट्रपतिको भारत भ्रमण अगाडि सम्म राजनैतिक गतिरोध अन्त्यको लागि सहमति नजिक पुगेको बताउने प्रमुख दलहरु विचको दुरी यो विचमा झनै बढेको छ । प्रधानमन्त्री सहित एकीकृत माओवादीका शिर्ष नेताहरुले पछिल्लो समय स्वतन्त्र व्यक्तिको नेतृत्वमा चुनावि सरकार गठनको प्रस्ताव अघि सारेका छन् । राजनैतिक दलका नेताको नेतृत्वमा सहमतिको सम्भावना कमजोर बनेको भन्दै माओवादीले संघियता, धर्मनिरपेक्षता र अग्रगमन पक्षधर राजनितिक पृष्ठभुमि भएका स्वतन्त्र व्यक्तिको नेतृत्वमा चुनावी सरकार गठन गर्नुपर्नेमा जोड दिएको छ । 

यद्यपि विपक्षि दलका नेताहरुले यसलाई स्वीकार गरेका छैनन् । काँग्रेस एमालेका नेताहरुले राजनैतिक दलका नेताकै नेतृत्वमा चुनावि सरकार गठन गर्नुपर्ने अडान लिएका छन् । उनिहरुले एकीकृत माओवादी नयाँ नयाँ प्रस्ताव अगाडि सारेर वैशाखमा निर्वाचन हुन नदिइ सत्ता लम्ब्याउने खेलमा लागेको आरोप लगाएका छन् । वैशाखमा संविधान सभाको निर्वाचन गर्ने र त्यसका लागि काँग्रेस सभापति सुशिल कोइरालाको नेतृत्वमा सहमतिको सरकार गठन गर्ने विषयमा राष्ट्रपतिको भारत भ्रमण अगाडि दलका शिर्ष नेताहरु सहमति नजिक पुगेको समाचार सार्वजनिक भएको थियो । पटक पटक गरी झन्डै डेढ महिना दिइएको समय उपलव्धी विहिन भएपछि राष्ट्रपति कार्यालय विगठित संसदमा प्रतिनिधीत्व गर्ने बहुमत दलको समर्थनमा अन्य विकल्प खोज्ने मनस्थीतिमा पुगेको छ । राष्ट्रपतिका प्रेस सल्लाहकार राजेन्द्र दाहालले म्याद थपको शृङ्खला अनन्त काल सम्म जान नसक्ने स्पष्ट पार्नुभयो । उहाँले अहिलेको प्रकृया बाट सहमति हुन नसके विगठित संसदको दुई तिहाइ दलको सुझावका आधारमा अन्य विकल्प मार्फत अगि बढेर राष्ट्रपतिले मुलुकलाई निकास दिने बताउनुभयो । राष्ट्रपति रामबरण यादवले पछिल्लो पटक गएको मंसिर ८ गते अन्तरीम संविधानको धारा ३८ को १ अनुसार सात दिनको समय उपलब्ध गराई सहमतिको सरकार निर्माणको लागि प्रमुख दलहरुलाई आग्रह गर्नुभएको थियो । त्यसपछि दलहरुको आग्रहमा पटक पटक समय थपिँदै आएको छ ।

सिन्धुपाल्चोक,पुष १९ । राष्ट्रपति डा रावरण यादवले राजनीतिक दलहरुको त्रुटीका कारण संबिधान बन्न नसकेको बताउनुभएको छ । जनतालाई संविधान दिन दलहरु असफल भएकोले नयाँ संबिधानसभाको निर्वाचनबाट संबिधान जारी गर्नुको विकल्प नभएको राष्ट्रपतिको भनाइ छ ।  सिन्धुपाल्चोकको बाह्रबिसेमा रहेको शारदा उच्च माध्यामिक विद्यालयको हिरक जयन्ती तथा विनिर्मित भवनको उद्घाटन गर्दै बिहीबार राष्ट्रपति यादवले दलहरुलाई सहमति गरी अघि बढ्नु बाहेक अर्को बाटो नरहेको स्पष्ट पार्नुभएको छ । “सर्वदलीय सरकार बनाएर नै अर्को संविधानसभाको निर्वाचन गर्नुपर्छ ।” उहाँले भन्नुभयो, “त्यही सरकारबाट नैं लोकतन्त्र र राजनीतिक स्थायित्व हुन्छ ।” दलहरुले तत्काल सहमतीय सरकार गठन गरी आगामी बैशाखमा संबिधानसभाको नयाँ निर्वाचन गर्ने वातावरण बनाउनुपर्नेमा राष्ट्रपतिको जोड छ । २००७ सालदेखिको आन्दोलनबाट प्राप्त उपलब्धीलाई संस्थागत गर्न नसक्दा मुलुकको अवस्था बिग्रको राष्ट्रपतिको दाबी छ । अहिलेको संकटमा हड्बडाएर काम नबन्ने भन्दै उहाँले भन्नुभयो , “मैले पनि हड्बडाएँ भने देशको भलो हुन्न । संविधान अनुसार अभिभावकको भूमिका खेलेर निकास निकाल्ने छु ।”  राष्ट्रपति आउनुहुने भएपछि विहानैदेखि बाह्रबिसे आसपासको क्षेत्रमा सुरक्षा व्यवस्था समेत कडा पारिएको थियो 

महाधिबेशन गराउन पहल गर्ने सुशील कोइरालाको आश्वाशन:

२५ गतेसम्म सहमति गछौँ : उपप्रधानमन्त्री गच्छदार

प्रमुख दलहरुले समय मागेपछि राष्ट्रपतिले पुस २० गते शुक्रबारसम्मको समय थप्नु भएको हो । ‘…. फेरि पनि थप समय माग गरेको हुँदा माग बमोजिम संवत् २०६९ साल पुस २० गते शुक्रबारका दिनसम्म राजनीतिक सहमति कायम गरी प्रधानमन्त्र चियन र मन्त्रिपरिष्द गठन गर्नका लागि समय थप गर्नु भएकाले यो विज्ञप्ती प्रकाशन गरिएको छ’ प्रवक्ता हरिकुमार श्रेष्ठद्धारा आइतबार जारी विज्ञप्तीमा उल्लेख छ ।

यस्तो छ शितलनिबासको विज्ञप्ती

कम्तिमा परिवर्तनकारी दलको समर्थन खोजिने

पटक-पटक समय थप्दासमेत दलहरुबीच सहमति नजुटेपछि राष्ट्रपतिले विकल्पहरु मागेको बताउँदै राष्ट्रपतिका कानुनी सल्लाहकार सूर्य ढुंगेलले राष्ट्रपति यादव दिल्लीबाटै काठमाडौ.फर्किएकै दिन यस्तो खुलासा गर्नुभएको हो । ढुंगेलले शनिबार साँझ अनलाइनखबरसँग कुरा गर्दै भन्नुभयो-’ दलहरुसँग पछिल्लोपटक भएको छलफलमा राष्ट्रपतिले विकल्पहरु सोच्नुस् भन्नुभएको छ, दलहरुबीच सहमति नजुटेको अवस्थामा कम्तिमा ७० प्रतिशतको समर्थन भए राष्ट्रपतिले ‘रिस्क’ लिन सक्नुहुन्छ ।’

साँझ पुनः बैठक बस्ने